وهزارهتی ڕۆشنبیری و لاوانی حكومهتی ههرێمی كوردستان، به چاودێری و ڕاسپاردهی جهنابی سهرۆكوهزیران مهسرور بارزانی، له ساتی كۆچی دوایی مامۆستا عهزیز گهردییهوه، لهسهر هێڵ بووین و ههموو ههوڵێكمان خستهگهڕ بۆ ئهوهی له ئاست ئهو بهخششه گهورهیه بین، كه مامۆستای كۆچكردوو ژیانی بۆ تهرخان كردبوو له پێناو خزمهتكردنی وشه و كتێبخانهی كوردی.
لهو چوارچێوهیهدا، وهزارهتمان له ڕێگهی لیژنهیهكی تایبهتمهندهوه، کە پێکهاتبوون لە بەڕێزان بریکاری وەزارەت، ڕاوێژکار و گوتەبێژ و بەرپرسی بەشی یاسایی وەزارەتمان، لهسهر هێڵ بوو لهگهڵ سهرجهم میراتگرهكانی، بۆ ئهوهی له ڕێگهی پارێزگاری له سامانی كولتووری بهجێماوی مامۆستای كۆچكردوو، له خزمهتی ناوی بهرز و درهوشاوی عهزیز گهردی بین.
بۆ ئهو مهبهسته نووسینگەی سەرۆک وەزیران و وهزارهتمان ئامادهیی دهربڕی بۆ كڕینهوهی سهرجهم سامانی كولتووری مامۆستا و كردنهوهی كتێبخانه و مۆزهخانهیهكی تایبهت به یادگارییهكانی مامۆستا. ههروهها پێشنیازمان خستهڕوو بۆ میراتگرهكانی، ماڵهكهی مامۆستای كۆچكردوو، بكڕینهوه و چهند ئهندامێكی بنهماڵهی میراتگرهكان دابمهزرێن و وهك فهرمانبهری حكومهت له كتێبخانه و مۆزهخانهكهیدا خزمهت بكهن.
بهڵام بهداخهوه، بەهۆی ڕاجیایی، میراتگره بهڕێزهكانی مامۆستای كۆچكردوو، ڕێگهیهكی دیكهیان ههڵبژارد، بەڵام ئێمە وەک وەزارەت سهبارهت به بهرههم و دهستنووسهكانی مامۆستای كۆچكردوو، لەگەڵ نووسینگەی جەنابی سەرۆک وەزیران لهسهر هێڵه بۆ ئهوهی میراتی ڕۆشنبیری و كولتووری و دهستنووسهكانی مامۆستای كۆچكردوو، وهك موڵكی گشتیی سهیریان بكرێت و مافی خاوهندارێتی ئهو بهرههمانه ههر لهسهر ناوی مامۆستا عهزیز گهردی بپارێزرێن و حکومەت بهو پهڕی بایهخهوه كار دهكات بۆ وهرگرتنی مافی بهدهستهێنانی ڕهزامهندی لهسهر پاراستن و چاپكردن و بڵاوكردنهوهیان له پێناو سوودی گشتیی.
ههروهها وهزارهتمان لهسهر ڕاسپاردهی نووسینگهی بهڕێز جهنابی سهرۆك وهزیران، ههموو ڕێكارێكی پێویست دهگرێتهبهر بۆ کڕینەوەی سامانی کولتووری مامۆستا عەزیز گەردی لەپێناو خزمهتكردن و پاراستنی بهرههم و داهێنانهكانی مامۆستای كۆچكردوو. داواكاریشین میراتگره بهڕێزهكان له ئاست بهرپرسیارێتی نیشتمانیی و نهتهوهییدا بهدهم بانگهوازهكهمانهوه بێن بۆ ئهوهی گیانی مامۆستای كۆچكردوو به چاپكردنی دهستنووس و بهرههمهكانی شاد بێت و مافی میراتگرەکانیش پارێزراو بێت.
وهزارهتی ڕۆشنبیری و لاوانی حکومەتی هەرێمی کوردستان
19ی ئابی 2025