بەڕێوەبەرایەتی گشتیی كەشناسی و بوومەلەرزەزانی پێشبینی دەكات، ئەمڕۆ هەینی و سبەی شەممە شەپۆڵی بارانبارین لە هەرێمی كوردستان بەردەوامی هەبێت و لە زۆربەی شار و شارۆچكەكان باران ببارێت.
كەشناسی سەبارەت بە كەشوهەوای ئەمڕۆ هەینی رایگەیاند: ئاسمان بە گشتی هەوری باراناوی دەبێت، نمەباران و بارانی مامناوەند لە زۆربەی ناوچەکان دەبارێت، هەندێک کات لە سنووری پارێزگای سلێمانی و ئیدارەی گەرمیان باران بە شێوەی لێزمە باران دەبێت، هەروەها بارینی بەفرێکی کەم لە ناوچە شاخاوییە سنوورییەکانی باکور و باکوری ڕۆژهەڵاتی هەرێم دەبێت.
سەبارەت بە پلەكانی گەرماش، كەشناسی رایگەیاند: ئەمڕۆ هەینی پلەکانی گەرما1 تا 3 پلە نزمتر دەبێت بەراورد بە تۆمارکراوەکانی دوێنێ پێنجشەممە.
بۆ كەشوهەوای سبەی شەممەش، كەشناسی رایگەیاند: ئاسمان هەوری تەواو دەبێت، نمەباران و بارانی مامناوەند بە پچرپچڕی دەبارێت بە تایبەت لە ناوچەکانی باکور و باکوری ڕۆژهەڵات، پێشبینی دەکرێت ڕێژەی دابارین زیاتر بێت بەراورد بە ناوچەکانی تر .
كەشناسی ئاماژەی بەوەش دا: پلەکانی گەرمای سبەی شەممە نزیک دەبێتەوە لە تۆمارکراوەکانی ئەمڕۆ هەین.
بەڕێوەبەرایەتی كەشناسی پلەكانی گەرمای پێشبینیكراوی ناوچەكانی هەرێمی كوردستانی بەمشێوەی خوارەوە بڵاو كردوە:-
هەولێر 13 پلەی سیلیزی
پیرمام 9 پلەی سیلیزی
سۆران 10 پلەی سیلیزی
حاجی ئۆمەران 3 پلەی سیلیزی
سلێمانی 9 پلەی سیلیزی
چەمچەماڵ 10 پلەی سیلیزی
دهۆک 13 پلەی سیلیزی
زاخۆ 14 پلەی سیلیزی
هەڵەبجە 12 پلەی سیلیزی
گەرمیان 15 پلەی سیلیزی