رۆژی سێشەممە 12ـی ئایاری 2026، سەرۆک مەسعود بارزانی لە پەنجا و دووەمین ساڵیادی لەسێدارەدانی شەهید لەیلا قاسم و هاوڕێکانی پەیامێکی لە تۆڕی کۆمەلایەتی ئێکس بڵاوکردەوە.
دەقی پەیامی سەرۆک بارزانی؛
شەهید لەیلا قاسم و هاوڕێکانی لەپێناو ئازادی و کەرامەتی گەلەکەیان، ئازایانە گیانی خۆیان بەخت کرد و بوون بە سەرمەشق و هێمای بەرخودان بۆ هەموو ئازادیخوازانی کوردستان.
لە پەنجا و دووەمین ساڵیادی لەسێدارەدان و شەهیدکردنی لەیلا قاسم و هاوڕێکانیدا سڵاو دەنێرین بۆ ڕۆحی پاکیان و ڕۆحی هەموو شەهیدانی ڕێگەی ئازادی.