ئێوارەی ئەمڕۆ شەممە 5/23، مەسرور بارزانی، سەرۆکی حکومەتی هەرێمی کوردستان، لە بەغدا، لەگەڵ حەیدەر عەبادی، سەرۆکی هاوپەیمانیی نەسڕ کۆبووەوە.
لە دیدارەکەدا، بیروڕا لەبارەی پرۆسەی سیاسی و دۆخی گشتیی عێراق و ناوچەکە ئاڵوگۆڕ کرا و هاوڕا بوون لەسەر ئەوەی پێویستە حکومەتی فیدراڵ، بەشێوەیەکی دادپەروەرانە و یەکسان، خزمەتی گشت هاووڵاتی و پێکهاتەکانی عێراق بکات.
لە بەشێکی دیکەی گفتوگۆکاندا، تیشک خرایە سەر چاکسازییەکانی حکومەتی هەرێمی کوردستان لە کەرتە جۆراوجۆرەکاندا.