سەندیکای هونەرمەندانی کوردستان/ لقی هەولێر، لە چوارچێوەی بەرنامەکانی بەرزڕاگرتن و ڕێزلێنان لە هونەرمەندان، ڕێزلێنانێکی تایبەتی پێشکەش بە سینەماکار جوان سەعید سازکرد.
ڕێزلێنانەکە وەک دەربڕینێک لە هەڵسەنگاندنی ڕۆڵ و بەشداریی هونەرمەندان و خزمەتە هونەرییەکانیان، هەنگاوێکە بۆ پاراستنی بەها و مێژووی هونەری کوردی و بەرزڕاگرتنی پێگەی ئەو کەسانەی ژیانیان بۆ هونەر تەرخان کردووە.
هیوا سوعاد، سەرۆکی سەندیکای هونەرمەندانی کوردستان/ لقی هەولێر، لەوتەیەکدا گوتی: بەردەوام بەردەوام گرنگی بەڕێزلێنانی هونەرمەندان و ناساندنی خزمەت و بەرهەمە هونەرییەکانیان دەدەین.
چالاکییەکە ئێوارەی دووشەممە، بەئامادەبوونی ئومێد خۆشناو، پارێزگاری هەولێر و ژمارەیەک لە هونەرمەندان لە هەولێر بەڕێوەچوو.