پاشنیوەڕۆی ئەمڕۆ یەکشەممە 2026/6/28، بەڕێز نێچیرڤان بارزانی، سەرۆکی هەرێمی کوردستان، پێشوازیی لە شاندێکی گرووپی دۆستایەتیی کەنەدی – کوردی لە پەرلەمانی کەنەدا کرد کە لە بەڕێزان ئەحمەد حوسێن، سهرۆکی لیژنهی کاروباری دهرهوهی پهرلهمان و زیاد ئەبولتەیف ئەندامی پەرلەمان، پێکهاتبوو.
لە دیدارێکدا کە ژمارەیەک لە ئەندامانی کۆنفیدراسیۆنی ڕەوەندی کوردستانی لە کەنەدا ئامادەی بوون، پەرەپێدانی پەیوەندییەکانی هەرێمی کوردستان و عێراق لەگەڵ کەنەدا تاوتوێ کران و جەخت له ڕۆڵی گرنگی ڕەوەندی کوردستانی بۆ برهودان به پهیوهندییهکانی ههرێمی کوردستان لهگهڵ کهنهدا کرایەوە.
لای خۆیانەوە، شاندی میوان ستایشی دۆخی پێکەوەژیانی ئاشتییانەی پێکهاتەکان و گرنگیی پاراستنی سەقامگیرییان لە هەرێمی کوردستان کرد، هەروەها پشتگیریی کهنهدایان بۆ گەلی کوردستان دووپات کردەوە.
دوایین پێشهاتەکانی دۆخی سیاسی و ئەمنیی ناوچەکە، تەوەرێکی دیکەی دیدارەکە بوو.