ئەمشەو یاریگای ئێن ئاڕ جی لە ئەمریکا دەبێتە شانۆی یەکەمین ڕووداوی قۆناغی 16ی مۆندیال لەنێوان هەردوو هەڵبژاردەی کەنەدا و مەغریب،کە یارییەکە لە کاتژمێر 8:00ی شەو بەکاتی هەرێمی کوردستان بەڕێوەدەچێت و جیهان چاوی دەکەوێتە سەر ئەم یارییە.
مەغریب لەقۆناغی گرووپەکان دوو یاری بردەوە و لەگەڵ بەڕازیل بەرامبەر بوو،وەکو دووەمی گرووپەکەی سەرکەوتە قۆناغی 32،کە لەو قۆناغەش بە لێدانی یەکلاییکەرەوە لە خاڵی سزا توانی هۆڵەندای زەبەلاح دەربکات لەمۆندیال،بۆ ئەم یارییەش چاوی لەبردنەوەیە و دەیەوێت جارێکی دیکە بگاتەوە قۆناغی 8ی مۆندیال هاوشێوەی مۆندیالی ڕابردوو.
هەرچی هەڵبژاردەی کەنەدایە،بەسەرکردایەتی جۆناسان دایڤد لەقۆناغی گرووپەکان بە دۆڕانێک و بردنەوەیەک و بەرامبەر بوونێک وەکو دووەم سەرکەوتە قۆناغی 32،کە لەو قۆناغەش لە ئەفرقای باشووری بردەوە و هاوتا لەگەڵ ئارەزووی ڕکابەرەکەی دەیەوێت مێژوو بنووسێتەوە و بۆیەکەمین جار بگاتە قۆناغی 8ی مۆندیال.
“سەرکار ڕێبوار”