لویس ڤان گاڵ ڕاهێنەری پێشووی هەڵبژاردەی هۆڵەندا کە تەمەنی 75 ساڵە و توانیویەتی بەسەر نەخۆشیی شێرپەنجەدا سەرکەوێت، ئامادەیی خۆی بۆ هاوکاریکردنی یەکێتیی تۆپی پێی وڵاتەکەی دەربڕی و ڕایگەیاند کە هۆڵەندا توانای هەیە ببێتە پاڵەوانی ئەوروپا یان جیهان چونکە سەدا 95ی یاریزانەکانی لە یانە گەورەکانی دەرەوەی وڵات یاری دەکەن.
ئەمە دوای ئەوە هات کە ڕۆناڵد کۆمان لە پۆستەکەی دەستلەکارکێشاەوە بەهۆی ماڵئاواییکردنی هۆڵەندا بەرامبەر مەغریب لە جامی جیهانیی ئەمساڵدا، و لە کاتێکدا هەریەکە لە ئارنێ سڵۆت و ئەلیک تێن هاخ ڕەتیانکردەوە ئەرکەکە بگرنە ئەستۆ، کە بەم هۆیەوە ڤان خال سۆزی خۆی نیشاندا تاوەکو بۆ چوارەم جار ڕێبەرایەتیی هۆڵەندا بکاتەوە.
لە کۆتاییدا، ئەو ڕاهێنەرە جەختی لەوە کردەوە کە ئێستا هەست بە ئامادەیی و تەندروستییەکی باشتر دەکات بە بەراورد بە چوار ساڵ پێشتر لە جامی جیهانیی قەتەر، کە تێیدا لە قۆناغی چارەکی کۆتاییدا بەرامبەر ئەرجەنتینی پاڵەوان بە لێدانی یەکلاکەرەوە کرانە دەرەوە و ماڵئاواییانکرد.