لە یارییەکی هەفتەی 37 ی خولی ئیتاڵیا میلان لە دەرەوەی یاریگای خۆی رووبەرووی تۆرینۆ بوەوە.
لە ئەنجامدا یانەی تۆرینۆ میلانی شۆک کرد و بە سێ گۆڵ بەرامبەر بە گۆڵێک شکستی پێهێنا.
هەر لە تایمی یەکەمدا تۆرینۆ گورزی خۆی وەشاند و توانی دوو گۆڵ لە خولەکەکانی 26 و 40دا لە ڕێگەی یاریزانان زاپاتا و ئیلیچ تۆماربکەن.
لە سەرەتایی تایمی دووەم و لە خولەکی 46دا تۆرینۆ گۆڵی سێیەم و دڵنیایی بۆ یانەی خاوەن یاریگا تۆمارکرد،
لە خولەکی 55 یانەی میلان لەلایەن ئیسماعیل بن ناسر بە لێدانی سزا ئەنجامەکەی بۆ رۆسۆنێری کەمکردەوە، بەڵام ئەم گۆڵە بەس نەبوو و یارییەکە بەو شێوەیە مایەوە.
بەم ئەنجامە، میلان 74 خاڵی هەیە و لە پلەی دووەم جێگیرە و تۆرینۆش بە کۆکردنەوەی 53 خاڵ چووە پلەی نۆیەم.