لە نوێترین هەواڵی یارییەکانی نەیشنزلیگ،ڕۆژنامەیەکی بەریتانی ئەوەی بڵاوکردۆتەوە یاریزانانی هەڵبژاردەی کۆماری ئێرلەندا دەیانەوێت بۆ یاری بەرامبەر ئیسڕائیل بایکۆت بکەن و یاری نەکەن،ئەمەش وەکو کاردانەوەیەک بەرامبەر ئەو شەڕ و ئاڵۆزییەی لە غەززە دروست بووە.
سەرەتای ئەم دەنگۆیانە لە بایکۆت کردنی یاریزانێکی هەڵبژاردەی ئێرلەنداوە دەستی پێکرد و پاشان یاریزانەکانی دیکەش هەنگاویان بەرەو ئەو بڕیارەنا،دوێنێش کۆبوونەوەیەک کراوە لەنێوان ستافی و یاریزانان بۆ بڕیارێکی یەکلاییکەرەوە.
ئەمە یەکەمین جار نییە هەڵبژاردەکان ناڕەزایی خۆیان دەردەبڕن بەرامبەر یاری کردنی ئیسڕائیل،پێشتریش جینارۆ گاتوزوی ئیتاڵی ناشادی خۆی ئاشکرا کرد بوو لەیاری کردن بەرامبەر ئەو هەڵبژاردەیە و بەشێکی هەڵبژاردەکانیش ویستی ئەوایان هەیە ئیسڕائیل لە یاری و چالاکییە وەرزشیەکان دوور بخرێتەوە.
“سەرکار ڕێبوار”