لە ڕاگەیاندراوێکی فەرمیدا یانەی ڕیاڵ مەدرید ئاشکرای کرد نەشتەرگەری بۆ ڕاوڵ ئەسێنسۆی بەرگریکاری تیپەکەیان ئەنجام دەدرێت بەهۆی ئەو پێکانەی یاریزانەکە دووچاری بووە لەماوەی پێشوودا.
بەپێی زانیارییەکان بێت ئەسێنسیۆ ماوەی 4 مانگە دەناڵێت بەو پێکانە و هەوڵێکی زۆر هەبووە تاکو بە شێوەیەکی سرووشتی و دوور لە نەشتەرگەری چارەسەر بکرێت،بەڵام لەکۆتاییدا بڕیارە قورسەکە درا،ئەوەش ئاشکرا کراوە ماوەیەکی زۆر یاریزانەکە یاری کردوە بەو پێکانەوە.
سەبارەت بە ماوەی دوورکەوتنەوەی ئەسێنسیۆ میدیاکان ئەوەیان ئاشکرا کردوە 3 مانگ زیاتر ڕیاڵ مەدرید بێ بەش دەبێت لەو یاریزانە،کە دەگاتە نزیک مانگی دووی ساڵی داهاتوو هەبوونی یاریزانەکانی دیکە لە هێڵی بەرگری لە ئێستا کێشەیەک دروست ناکا بۆ تیپەکە.
“سەرکار ڕێبوار”