وێس براون یاریزانی خانەنشینکراوی ئینگلتەرا ئامۆژگاری کریستیانۆ ڕۆناڵدۆی هاوڕێی پێشووی یانەی مانچستەر یونایتدی کرد بۆ ئەوەی وەرزی داهاتوو خولی سعودیە جێبهێڵێت.
گرێبەستەکەی ڕۆناڵدۆ لەگەڵ یانەی نەسری سعودی لە کۆتایی وەرزی ئێستادا کۆتایی دێت.
براون لە لێدوانێکیدا بۆ ڕۆژنامەی دەیلی مەیلی بەریتانی ڕایگەیاندووە، کریستیانۆ ڕۆناڵدۆ دەبێت بچێتە ئەمریکا، بەتایبەتی کە لیۆنێل مێسیش لەوێیە، چەند جارێک سەیری یارییەکانی ڕۆناڵدۆم کردووە و ئاستەکەی سەرسوڕهێنەر بووە.
ئاماژەی بەوەشکرد، ڕۆناڵدۆ بە بەردەوامی گۆڵ تۆمار دەکات، بە شێوەیەکی سەرنجڕاکێش لەشجوانی دەردەکەوێت و هێشتا لە تەمەنی 40 ساڵیدا بە باشی ڕادەکات.
هەواڵی پێشوو