بەپێی ڕاپۆرتێکی ڕۆژنامەوانی، محەمەد سەڵاح، ئەستێرەی یانەی لیڤەرپوول و کاپتنی هەڵبژاردەی میسری، لە پێشەنگی ئەو گرێبەستانەدایە کە یانەی پاریس سانجێرمان داوای دەکات.
ئەمڕۆ یەکشەممە ڕۆژنامەی “لۆئیکویپ”ی فەرەنسی بڵاویکردەوە، “پاس جی” هەموو هەوڵێک دەدات بۆ گواستنەوەی سەڵاح لە هاوینی داهاتوودا.
ئاماژەی بەوەشکرد، ئەو هێرشبەرەیە کە یانە پاریسییەکە زیاتر لە هەموو یاریزانێکی دیکە دەیەوێت، جگە لە جۆن دورانی کۆڵۆمبی کە ئەستێرەی یانەی ئەستۆن ڤێلای ئینگلیزییە.
پاریس ئامادەکاری دەکات بۆ ئەوەی بچێتە کێبڕکێیەکی سەخت بۆ گواستنەوەی سەڵاح، لەگەڵ یانەکەی ئێستای لیڤەرپوول، و ئەلهیلال سعودیە بەتایبەتی.