ڕۆژنامەنووس ماریۆ کۆرتیگانا لە ڕۆژنامەی زە ئەتلەتیک ئاشکرای کرد لە ماوەی گواستنەوەی زستانەدا کایل واکەری یاریزانی یانەی مانچستەر سیتی بە خواستن بۆ ڕیاڵ مەدرید پێشنیار کرابوو، بەڵام سەرەڕای ئەو ئارەزووە یانەکە بڕیاریدا گرێبەستی لەگەڵدا نەکات و پێشنیارەکەی ڕەتکردەوە.
ئەمەش لە کاتێکدایە کە ڕیاڵ مەدرید زۆر پێویستی بە گرێبەستێکی بەرگری هەبوو دوای ئەوەی ئەستێرەکانی ئیدر میلیتاو و دانی کارڤاخال تووشی پێکان بوو.
سەرەڕای ڕەتکردنەوەی واکەر لەلایەن یانەی ڕیال مەدریدەوە، بەڵام بیریان لە بەرگریکارێکی دیکە نەکردەوە بۆ تەواوکردنی وەرزەکە، کە بەهۆی چەندین پاشەکشەی گەورەوە تێکچووبوو، دیارترینیان پێکانەکانی بەرگریکاران بوو.