ڕوبێن ئامۆریم ڕاهێنەری یانەی مانچستەر یونایتد پێش یارییەکەی ئەمڕۆی پریمەرلیگ بەرامبەر یانەی ئەستۆن ڤێلا پەیامێکی توندی ئاراستەی هاندەرانی یانەی مانچستەر یونایتد کرد.
جەختی لەوە کردەوە ئاستی تیپەکە لەم وەرزەدا لە ئاست چاوەڕوانییەکانی یانەکە و هاندەرانی دڵسۆزدا نەبووە.
ئامۆریم لە پەیامەکەیدا دەڵێت: وەرزی داهاتوو دەبێت باشتر بین، چونکە ئەم وەرزە لە ئاستی مانچستەر یونایتددا نەبووە.
ئاماژەی بەوەشکرد، ڕۆژی چوارشەممە لە بلباو، بە نائومێدیەوە ویستمان شتێک بدەین بە ئێوەی هاندەرە نایابەکانمان، کە دوای ئەم قۆناغە سەختە ئاهەنگ بگێڕن، هەرچەندە هەوڵمان دا، ئەنجامەکەی وەرزەکەمانی کورتکردەوە، ئەزموونێکی پڕ لە ئازار بوو بۆ هەموومان، بۆ ئەوەی بەرەو پێشەوە بچین، دەبێت ئەم ئازارە وەک سووتەمەنی بەکاربهێنین.