یانەی بایەرن میونشن نزیک بووەتەوە لە یەکلاکردنەوەی گرێبەستی یاریزانی کۆڵۆمبی، لویس دیاز، کە یاریزانی یانەی لیڤەرپوولە، بەرامبەر بە ٧٥ ملیۆن یۆرۆ.
دیاز، کە تەمەنی ٢٨ ساڵە، خواستی خۆی بۆ جێهێشتنی یانەی لیڤەرپوول دەربڕیوە و یانەکەش ڕەزامەندی لەسەر داواکارییەکەی یاریزانە کۆڵۆمبییەکە داوە.
بڕیارە یاریزانە کۆڵۆمبییەکە گرێبەستێک بۆ ماوەی ٤ وەرز لەگەڵ پاڵەوانی خولی ئەڵمانیا واژۆ بکات.
لویس دیاز ئەمڕۆ دووشەممە گەشت دەکات بۆ ئەڵمانیا بەمەبەستی ئەنجامدانی پشکنینی پزیشکی و پاشان واژۆکردنی گرێبەستی گواستنەوەی بۆ یانە باڤارییەکە.