جێرمی ماتیۆ بەرگریکاری پێشووی یانەی بەرشەلۆنە باسی لە سروشتی ئەو پێکانە کرد کە لامین یامال تووشی بووە و ڕوونی کردەوە کە پێکانێکی ئاڵۆزە و پێویستی بە چاودێری تایبەت هەیە.
ماتیۆ وتی: “ئەم برینەم لە تەمەنی 28 ساڵیدا تووشی بوو، پەیوەندییەکی زۆری بە گرژی ماسولکەکان و ناهاوسەنگی ماسولکەکانەوە هەیە، ئەوە پێکانێکی پچڕپچڕە- ڕۆژێک هەست بە ئازار دەکەیت، و ڕۆژی دواتر بە تەواوی نەماوە.”
ئاماژەی بەوەشکرد، چارەسەرکردن زۆر پشت بە پشوودان و چارەسەری فیزیۆتێراپی و دیسپلینێکی توند دەبەستێت، پێکانێکی زۆر ناسکە، بەتایبەتی بۆ ئەو یاریزانانەی کە لە پۆستەکانی وەک لامین یاری دەکەن، لەسەر باڵەکان، چونکە پشت بە گۆڕینی خێرای ئاراستە و خێراکردن و وەستانی لەناکاو دەبەستن، زۆر گرنگە لێکۆڵینەوە لە ڕۆیشتنی یاریزانەکە بکرێت، چۆن پشتگیری پێیەکانیان دەکەن، و جوڵەکانیان لەکاتی یاریکردندا، و دەزانم کە پزیشکانی بەرشەلۆنە ئەم جۆرە شیکارییە لەسەر هەموو یاریزانەکانی تیپەکە ئەنجام دەدەن”.