لەبەیاننامەیەکی فەرمیدا یانەی ڕیاڵ مەدرید پێکانی دانی کارڤاخاڵی بەرگریکار و کاپتنی تیپەکەیان ڕاگەیاند و ئەمڕۆ نەشتەرگەریەکی سەرکەوتووی بۆ ئەژنۆی ئەنجامدراوە،کە ئەم پێکانەش دەگەڕێتەوە بۆ هەبوونی کەمێک ئازار و بەشداری کردنی کارڤاخاڵ لە کلاسیکۆ ئەو پێکانەی دروست کردوە.
بەگوێرەی ڕاگەیاندنەکەی ڕیاڵ مەدرید بێت کارڤاخاڵ لەمڕۆوە دەچێتە نێو پڕۆسەیەکی چارەسەری چڕەوە و تاکو سەرەتای ساڵی 2026 لەیاریگاکان دادەبڕێت،بەڵام ڕۆژنامەکان شتێکی دیکە دەڵێن و پێیان وایە کارڤاخاڵ نزیکەی چوار مانگ بەهۆی ئەو پێکانەوە یاری ناکات.
دانی کارڤاخاڵ تەمەنی 33 ساڵە و لە ساڵی 2013 پەیوەندی کردەوە بەیانەی ڕیاڵ مەدرید لە بایرن لیڤەرکوزنەوە،کە لەو کاتەوە بۆتە یاریزانێکی گرنگی یانەکە و ئێستاش کاپتنی یەکەمی ڕیاڵ مەدریدە و خاوەن 6 چامپیۆنزلیگ و 4 نازناوی لالیگا و 2 جامی شای ئیسپانیایە.
“سەرکار ڕێبوار”