رۆژنامەی ئاس ئەوەی ئاشکراکردووە کە گرژییەکانی نێوان ڤینیسیۆس و ئەلۆنسۆ لە ئێستادا ئارامبووەتەوە بەتایبەت پاش یاریی مانچستەر سیتی و ریاڵ مەدرید کە هاندەرانی سانتیاگۆ بێرنابیۆ بەتەواوی لە ئاستی ئەو هێرشبەرە نارازیبوون.
سەرچاوەکە جەختی لەوەکردووەتەوە کە یاریزانەکە بڕیاریداوە بەتەواوی پشتگیری ئەلۆنسۆی راهێنەر بکات و هەموو تواناکانی بخاتەگەر لەپێناو گەرانەوەی بۆسەر ئاستی راستەقینەی خۆی.
لەلایەکیترەوە کارگێری یانەی شاهانە وای دەبینن کە ڤینیسیۆس جۆنیۆر ئاستی باشتردەبێت و لەهەمان کاتدا دەگەنە رێککەوتن سەبارەت بەدرێژکردنەوەی ماوەی گرێبەستەکەی نێوانیان.
ئەستێرە بەرازیلیەکە لەم وەرزی خولی ئیسپانیا لە 16 یاریدا تەنها پێنج گۆڵ و شەش ئەسیستی تۆمارکردووە و ئامارەکانی بەبەروارد بە وەرزەکانی رابردوو زۆر دابەزیوە.