لە ڕاپۆرتێکدا ڕۆژنامەی زەسەنی بەریتانی بڵاویکردەوە جۆن تێری ئەفسانەی پێشووی یانەی چێڵسی و هەڵبژاردەی ئینگلتەرا نزیکە لە وەرگرتنی پۆستی ڕاهێنەرایەتی یانەی ئۆکسفۆرد یونایتدی ئینگلیزی،کە لە خولی پلەیەکی ئینگلتەرا یاری دەکات و بەو مەبەستەش تاکو ئێستا لەگەڵ ئەو یانەیە لە گفتوگۆیە.
جۆن تێری پێشتر چەند جارێک دەرفەتی ئەوەی بۆ ڕەخسابوو تاکو ئەرکی ڕاهێنەرایەتی چەند تیپێک وەربگرێت،بەڵام ئەمجارە ئەفسانەکە لاری نییە لەوەرگرتنی پۆستی ڕاهێنەرایەتی ئۆکسفۆرد،کە ئێستا ئەو یانەیە حاڵێکی باشی نییە و لە پلەکانی کۆتایی چامپیۆنشیپی ئینگلتەرایە و جۆن تێریش دەیەوێت بەو ئاڵەنگاریەوە پۆستەکە وەربگرێت.
جۆن تێری وەکو یاریزان یەکێکە لە ناوە دیاریەکانی ئینگلتەرا و ئێستا تەمەنی 45 ساڵە و دەیەوێت بێتە نێو کاری ڕاهێنەرایەتی و ئەزموون پەیدا بکات لەو بوارەدا.
“سەرکار ڕێبوار”