ڕۆبێرتۆ مارتینێزی ڕاهێنەری پورتوگال ئاشکرایکرد کە کریستیانۆ ڕۆناڵدۆ ڕووبەڕووی ڕکابەرییەکی زیاتر دەبێتەوە بۆ بەدەستهێنانی پێگەی پێکهاتەی سەرەکی لە مۆندیالی 2026.
ڕۆناڵدۆی تەمەن 40 ساڵ بەرەو جامی جیهانی 2026 دەڕوات بەڵام چاوەڕوان ناکرێت هەموو خولەکێک لە هەموو یارییەکدا یاری بکات، سەرەڕای ئەوەی کاپتنی هەڵبژاردەکەیە.
سەرچاوەکان ئاشکرایانکردووە، مارتینێز بەنیازە سێ هێرشبەر لەگەڵ خۆی ببات بۆ ئەمەریکا و کەنەدا و مەکسیک، رۆناڵدۆش دەبێت دووربێت لە هەر پێکانێک تاکو مەترسی لەسەر پێگەکەی لە پێکهاتەی سەرەکی دروست نەبێت.
هەروەها دۆن پێویستە رکابەری لەگەڵ گۆنزالۆ رامۆسی یاریزانی پاریس سان جێرمان بکات بۆ بەدەستهێنانی پێگەکەی، بەڵام ڕۆناڵدۆ ئامادە نییە هیچ هەنگاوێک بۆ دواوە بنێت و دەیەوێت بە سەرەکی یاریی بکات.