ئەم وەرزەی پرێمەرلیگ بەهۆی ململانێ و پێکدادانی زۆری یاریزانان لە کاتی لێدانە جێگیرەکاندا ناسراوەتەوە بەجۆرێک کە گۆڕەپانی یاری بووەتە شوێنی زۆرانبازی و فشار خستنە سەر گۆڵپارێزەکان.
دەیڤید مۆیس ڕەخنەی لە بێدەنگی ناوبژیوانان گرت لە ئاست ئەو پشێوییەی لە ناوچەی سزادا ڕوودەدات و رۆبێرتۆ ڕۆسێتی بەرپرسی ناوبژیوانانی ئەوروپاش نیگەرانی خۆی لە بەرانبەر فشارە توندەکانی سەر گۆڵپارێزەکان دەربڕی.
یانەی ئارسیناڵ وەک پسپۆڕی ئەم بوارە دەرکەوتووە و زیاتر لە ٣٠٪ی گۆڵەکانی بە لێدانی جێگیر تۆمار کردووە بەڵام لە یاریی رۆژی یەکشەممەدا بە هاوکاری “ڤار” و بەهۆی فاوڵێکی سەر گۆڵپارێزەکەیان گۆڵێکیان لەسەر هەڵوەشایەوە و سەرکەوتنێکی چارەنووسسازیان لە ململانێی نازناوەکەدا بەدەستهێنا.