دوای ئەوەی لەیاری ڕابردووی هەڵبژاردەی بەڕازیل بەرامبەر هایتی ڕافینیای ئەستێرەی هەڵبژاردەکە بەهۆی پێکانەوە یاریگای جێهێشت،چەند لێدوان و قسەیەکی جیاواز دەکران لەسەر چۆنیەتی پێکانەکەی و ماوەی دوورکەوتنەوەی،کە تەنانەت قسەکان باڵیان کێشابوو بۆ کێشەی خێزانی،بەڵام ئەمڕۆ بنەماڵەی یاریزانەکە هەموو دەنگۆکانیان ڕەتکردەوە و وردەکاری پێکانەکەیان ئاشکرا کرد.
دەربارەی پێکانەکەی ڕافینیا لەزاری خێزانەکەیەوە ڕۆژنامەی نیوزک تایمز بڵاویکردۆتەوە؛ڕافینیا دووچاری پێکانێکی سادە بووە لەماسوولکەکانی و ئەو ترسە زۆرەی لەسەر نییە،کە نەتوانێت بۆ مۆندیال دوورکەوێتەوە،بەڵام هێشتا پێویستی بە چارەسەر هەیە و پشکنینی پزیشکی بۆ کراوە لەپێناو زیاتر زانیاری دەربارەی پێکانەکەی.
دەربارەی دەنگۆی هەبوونی کێشەی خێزانی لەسەر جێهێشتنی بارسێلۆنا خێزانەکەی ڕافینیا وتی؛هیچ شتێکی لەو جۆرە بوونی نییە،ڕافینیا زۆر ئاسوودەیەوە و هەموو سەرنجێکی لەسەر مۆندیال و هەڵبژاردەکەی و یانەی بارسێلۆنایە،کە دەیەوێت بۆ داهاتوو هەر لەو یانەیە بمێنێتەوە.
“سەرکار ڕێبوار”