کۆمپانیای گووگڵ دروستیی سیاسەت و خەرجکردنی بەرزترین بودجەی مێژوویی خۆی بۆ گەشەپێدانی ژیریی دەستکرد (AI) ڕوونکردەوە، ئەمەش دوای ئەوەی داهاتی بەشی خزمەتگوزارییە هەورییەکانی (Google Cloud) بەشێوەیەکی چاوەڕواننەکراو بەرزبۆوە.
وەبەرهێنەران و بازاڕەکانی دارایی پێشتر دودڵ بوون لە خەرجکردنی دەستکەوتە داراییەکانی گووگڵ بۆ دروستکردنی داتا سێنتەر و کڕینی چیپە گرانبەهاکان، بەڵام دەرکەوتنی داواکارییەکی زۆر و بێپێشینەی کۆمپانیا جیهانییەکان بۆ بەکارهێنانی خزمەتگوزاری و ژێرخانی AIی گووگڵ، بووەتە هۆی بەدەستهێنانی قازانجێکی زۆر و دروستکردنی گەشەیەکی خێرا بۆ بەشی “گووگڵ کڵاود”، ئەمەش وایکردووە ئەو خەرجییە زۆرانەی سەر ژیریی دەستکرد لە ڕووی ئابوورییەوە بە تەواوی ڕەوا و سەرکەوتوو دەربکەون.