دۆناڵد ترەمپ، سەرۆک‌کۆماری ئەمریکا، هاوکات لەگەڵ بەڕێوەچوونی لووتکەی ناتۆ لە ئەنقەرە گوتی: فەرمانی بە ئەسکۆت بێسێنت، وەزیری دارایی داوە پەیوەندییە بازرگانییەکان لەگەڵ ئیسپانیا ببڕدرێن.
ئەو ئیسپانیای بە “هاوبەشێکی پڕکێشە” ناو برد.
ترەمپ گوتی: “ئیسپانیا دۆسیەیەکی لەدەستچووە. چیتر نامانەوێت هیچ پەیوەندییەکی بازرگانیمان لەگەڵ ئیسپانیادا هەبێت.”
ئەو پێش دەستپێکردنی کۆبوونەوەی سەرەکیی ناتۆ و لە دیدارێکدا لەگەڵ مارک ڕوتە، ئەمینداری گشتیی هاوپەیمانییەکە، پێی گوت: “من لە ناتۆ زۆر ناڕازیم.”
دۆناڵد ترەمپ هاوکارینەکردنی ئەندامانی ناتۆی لەگەڵ ئەمریکا دەربارەی داوای وازهێنان لە دوورگەی گرینلاند بۆ ئەو وڵاتە و هەروەها لە هێرشکردنە سەر ئێران، وەک هۆکاری ناڕازیبوونی لە ناتۆ باس کرد.
هەواڵی پێشوو