مارکۆ ڕووبیۆ، وەزیری دەرەوەی ئەمریکا، ڕایگەیاند بۆ بینینی هاوتا چینی و ڕووسییەکەی لە پەراوێزی کۆبوونەوەی “ئاسیان” لە فلیپین ئامادەیە. ئەم سەردانەی ڕووبیۆ لە کاتێکدایە، واشنتن هەوڵ دەدات بەرەنگاری هەژموونی فەراوانی چین لە ناوچەکەدا ببێتەوە. ڕووبیۆ لەبارەی ئەگەری کۆبوونەوە لەگەڵ وانگ یی و سێرگی لاڤرۆڤ گوتی، ئامادەی بینینیانین، بەڵام ناوەڕۆکی بابەتە هەستیارەکان ئاشکرا ناکات. ئەم گەشتە هاوکاتی ئەو فشارە ئابوورییانەیە، کە بەهۆی ئاڵۆزییەکانی نێوان ئەمریکا و ئێران لە گەرووی هورمزدا ڕوویان لە وڵاتانی ئاسیا کردووە. بەپێی ئامارەکانی ئاژانسی نێودەوڵەتیی وزە، نزیکەی ٨٠٪ی ئەو سووتەمەنییەی بەو گەرووەدا تێدەپەڕێت، بۆ وڵاتانی ئاسیا دەچێت.