ئیمانوێل ماکرۆن، سەرۆکی فەرەنسا، بە فەرمی یاسای قەدەغەکردنی بەکارهێنانی مۆبایلی لە سەرجەم قوتابخانەکانی قۆناغی ئامادەیی ( وڵاتەکەیدا واژۆ کرد، بەمەش کۆتایی بە مشتومڕێکی درێژخایەن لەسەر کاریگەرییەکانی تەکنەلۆجیا لە ناوەندەکانی خوێندندا هێنا.
سەرۆکی فەرەنسا لە هەژماری فەرمی خۆی لە تۆڕی کۆمەڵایەتی X پەسەندکردنی یاساکەی ڕاگەیاند و گووتی: “پاراستنی منداڵانمان لە زیادەڕۆییەکانی شاشە چیتر چاوەڕوانی ناکات.” ماکرۆن جەختیشی کردەوە کە “قوتابخانەیەکی بێ مۆبایل، واتە گەڕاندنەوەی هێمنی و ئارامی بۆ ناوەندەکانی فێربوون و پرۆسەی پەروەردە.”
پێشتر فەرەنسا لە ساڵی ٢٠١٨دا بەکارهێنانی مۆبایلی لە قۆناغەکانی سەرەتایی و ناوەندیدا قەدەغە کردبوو، بەڵام بەپێی ئەم بڕیارە نوێیە، قۆناغی ئامادەییش دەگرێتەوە و لەگەڵ دەستپێکی ساڵی نوێی خوێندندا دەخرێتە بواری جێبەجێکردنەوە. ئامانج لەم بڕیارە بەرزکردنەوەی ئاستی تەرکیزی قوتابییان، کەمکردنەوەی گۆشەگیریی کۆمەڵایەتی، و پاراستنی پۆلەکانە لە پشێوی.