تەیموو حسێنی سەرۆکی پۆلیسی هاوتوچۆی ئێران دەڵێت لە حەفتەی رابردوودا کە پشوو بوو و گەشتی هاووڵاتیان بۆ ناوچە گەشتیارییەکان زیادی کردبوو، 314 کەس بە هۆی رووداوی هاتوچۆوە گیانیان لەدەست دا و هەزاران کەسیش بریندار بوون.
تەیموور حسێنی ئاشکراشی کرد لەم ماوەیەدا 264 ڕووداوی هاتوچۆ بوونەتە هۆی مردنی 314 کەس و 8156 ڕووداوی هاتوچۆی دیکەش بوونەتە هۆی بریندار بوونی ژمارەیەکی زۆر لە هاووڵاتیان.
ساڵانە زیاتر لە بیست هەزار کەس لە ئێران بە هۆی ڕووداوی هاتوچۆوە دەمرن و دەیان هەزار کەسیش یەکێک لە ئەندامانی جەستەیان بۆ هەمیشە لەدەست دەدەن.
