لە چەند هێرشی بەربڵاودا لە پارێزگای بەلووچستانی ئێران لانیکەم ٦ چەکداری حکومەتی ئێران کوژران.
رێکخراوی” جەیشولعەدل”ی سەر بە دژبەرانی بەلووچستانی ئێران بەرپرساریەتیی ئەم هێرشانەی بە ئەستۆوە گرتووە.
بەگوێری هەواڵی میدیای ئێرانی گروپێکی چەکدار رۆژی سێشەممە ١ی تشرینی یەکەم، لە شاری “بنت” هێرشیان کردووەتە سەر کۆبوونەوەی قوتابخانەیەک و فەرماندەی پۆلیسی ئەم شارە به ناوی “پەرویز کەدخودایی”یان کوشتووە. لەگەڵ کەدخوداییدا سەرۆکی ئەنجومەنی شارەوانی و دوو سەربازیش کوژراون.
لە هەواڵێکی دیکەدا باس لە تەقەکردنی پیاوانی چەکدار لە ئۆتۆمبێکی هێزی ئینتزامی لە شاری خاش کراوە و لە ئاکامدا دو چەکداری حکوومەت کوژراون.
کەناڵی هەواڵی “حاڵوەش”ی سەر بە بەلووچانی دژبەری حکوومەتیش بڵاویکردووەتەوە لە شارۆچکەی جیکگوری سەر به شاری راسک هەر لەم پارێزگایە ئۆتۆمبێلێکی سەربازی لەم شارە کەوتووەتە بە پەلاماری چەکدارانی بەلووچ.
هەواڵی پێشوو