بەگوێرەی راپۆرتە نوێیەکان، دۆخی ئابووریی ئێران رۆژ لە دوای رۆژ خراپتر دەبێت و ئێستاش هەڕەشەی جەنگ قورسایی لەسەر ژیانی خەڵک داناو.
ڕۆژنامەی “آرمان امروز”ی چاپی تاران نووسیویەتی: لە ئێستادا زیاتر لە 30٪ی هاووڵاتیان لەژێر هێڵی هەژاریدا دەژین و 20٪ دیکەش بۆ دابینکردنی ژەمێک خواردن رووبەڕووی کێشەی جددی دەبنەوە.
ئەم دۆخە وایکردووە کە تەنها چینە دەوڵەمەندەکان توانایان هەیە منداڵانیان بۆ قوتابخانەکان بنێرن. هەروەها ژمارەی ئەو کەسانەی لەم دوو ساڵەدا وازیان لە خوێندن هێناوە، بە گشتی لە زیادبووندایە و نەخوێندەواری دەبێتە هۆکاری مەترسییە کۆمەڵایەتییەکان و مەیلی ئالوودەبوون به ماددە هوشبەرەکان زیاتر دەکات.
هەواڵی پێشوو