نەتەوە یەکگرتووەکان دەڵێت، بەهۆی بەردەوامیی شەڕ لە بەنداوی تشرین زیاتر لە ٤٠٠ هەزار کەس لە کۆبانێ و مەنبج بێ ئاو و کارەبا ماونەتەوە.
نووسینگەی نەتەوە یەکگرتووەکان بۆ کاروباری مرۆیی (ئۆچا) لە ڕاپۆرتێکدا بڵاوی کردووەتەوە، ئەمە حەوت حەوتووە بەنداوی تشرین بەهۆی بەردەوامیی شەڕ و هێرشان لە کار کەوتووە و ئەمەش کاری کردووەتە سەر خەڵکی سیڤیل لە هەردوو پارێزگای ڕەقە و حەلەب .
بە گوتەی ئەوان بەهۆی ئەم شەڕەوە، زیاتر لە ٤١٠ هەزار کەس لە مەنبج و کۆبانێ لە ئاو و کارەبا بێبەش بوون. بەردەوامی شەڕیش ڕێگەی لە چاک‌کردنەوەی بەنداوەکە گرتووە.
لەم ڕاپۆرتەدا هاتووە، بەهۆی پەرەسەندنی شەڕ لە مەنبج ٢٥ هەزار کەس ئاوارە بوون.
هەواڵی پێشوو