دیڤید کاردن، جێگری هەماهەنگکاری کاروباری مرۆیی لە نووسینگەی نەتەوە یەکگرتووەکان لە سووریا، لە کۆنگرەیەکی رۆژنامەوانیدا ڕایگەیاند، زیاتر لە ١٦ ملیۆن کەس لەم وڵاتە پێویستیان بە یارمەتی مرۆیی هەیە. ئەم ژمارەیە نیشانەی قووڵی قەیرانی مرۆییە ئەم وڵاتە بەهۆی شەڕی نێوخۆیی و کەمبوونی سەرچاوە سەرەکییەکانی ژیانەوە تووشی بووە.
کاردن ئاماژەی بەمە کرد، نەتەوە یەکگرتووەکان لە هەوڵەکانی بۆ پێشکەشکردنی یارمەتی بە کۆمەڵگەی سووریا بەردەوامە و لەم چوارچێوەیەدا، تا کۆتایی مانگی حوزەیرانی ئەمساڵ، توانیوە ١٧٩ ملیۆن دۆلاری ئەمریکا بۆ خێزانە هەژارەکان لە سووریا دابین بکات. ئەم یارمەتییە بە مەبەستی دابینکردنی پێداویستییە سەرەتاییەکان وەک خۆراک، ئاو و چاودێری تەندروستی بۆ قوربانیانی شەڕ تەرخان کراوە.
ئەم هەواڵە لە کاتێکدایە کە سووریا هێشتا بەدەست ئەو قەیرانە مرۆیی قورسەوە دەناڵێنێت زیاتر لە دە ساڵە بەردەوامە. بەپێی ڕاپۆرتەکانی نەتەوە یەکگرتووەکان، نزیکەی ١٣ ملیۆن کەس لە سووریا ئاوارە بوون، یان لە نێوخۆی وڵاتەکە یان لە وڵاتانی دەرەوە. هەروەها، رێکخراوی سووریا بۆ مافەکانی مرۆڤ پێشتر ئاماژەی بە بەردەوامیی توندوتیژی و کوشتنی سڤیلەکان کردووە ە ئەمەش بارودۆخەکە زیاتر ئاڵۆزتر کردووە.
دیڤید کاردن. بۆ پاراستنی سڤیلەکان و دابینکردنی یارمەتی زیاتر بۆ کەمکردنەوەی کاریگەرییەکانی قەیرانەکە، جەختی لەسەر پێویستی بەردەوامی هەوڵە نێودەوڵەتییەکان کرد. هەروەها داوای لە کۆمەڵگەی نێودەوڵەتی کرد بۆ کەمکردنەوەی ئازارەکانیان، پشتیوانیی زیاتری خێزانە ئاوارە و هەژارەکان بکات.
