دوای ڕووخانی ڕژێمی ئهسهد، ئارتێشی ئیسرائیل دهستی کردووه به فراوانکردنی کۆنترۆڵی خۆی له باشووری سووریا و دروستکردنی خاڵی پشکنینی سهربازیی نوێ.
به گوتەی ڕوانگهی سووریایی مافی مرۆڤ، ئهمڕۆ ئارتێشی ئیسرائیل به 10 ئۆتۆمبێل دا چووهته ڕۆژئاوای گوندهواری دهرعا، و ڕێبهندێکی سهربازیی له دهڤهری عهرده، و ڕێبهندێکی دیکهشی لهسهر ڕێگای کویا دروست کردووه. ئهمە هاوکات بووه لهگهڵ بیستنی دهنگی فڕۆکه و درۆنهکان له ئاسمانی ناوچهکه.
ڕۆژی پێشوو، 30 سهربازی ئارتێشی ئیسرائیل چوونبوونه گوندهواری قونێتره و له خاڵێکی پێشووی ڕژێمی سووریا له دهڤهری درعیات جێگیر ببوون.
دوای ڕووخانی ڕژێمی ئهسهد، ئارتێشی ئیسرائیل دهیان ئۆپهراسیۆنی ئاسمانی و زهمینی له سووریا ئهنجام داوە و ناوچهیهکی بهرفراوانی باشووری سووریای خستووهته ژێر کۆنترۆڵی خۆی.
