بە گوتەی سوپای کۆریای باشوور کۆرایی باکوور موشەکێکی بالستیی تاقی کردووەتەوە و ئەم مووشەکە لە کەناراوەکانی ڕۆژهەڵاتی کۆریای باکوورەوە بەرەو دەریا هەڵدراوە.
تا ئێستا زانیاریی زیاتر لەبارەی جۆری مووشەکەکە یان مەودای فڕینەکەی بڵاونەکراوەتەوە. ئەم تاقیکردنەوە مووشەکییە، کەمێک پێش دیداری پلاندانراوی لی جائێ میونگ سەرۆککۆماری کۆریای باشوور لەگەڵ شی جین پینگ هاوتای چینییەکەی ئەنجامدرا. بەرپرسانی پیۆنگیانگ ڕۆژی ٢٩ی کانوونی یەکەمی ڕابردووش، هەواڵی تاقیکردنەوەی دوو مووشەکی کرووزی دیکەیان دابوو. هەرچەندە بڕیارنامەکانی نەتەوە یەکگرتووەکان تاقیکردنەوەی مووشەکە بالیستییەکانیان بۆ کۆریای باکوور قەدەغە کردووە، بەڵام سەرکردایەتیی سەربازیی ئەم وڵاتە لە ساڵانی ڕابردوودا ژمارەی مووشەکهاوێژەکانی بە شێوەیەکی بەرچاو زیاد کردووە.