وەزارەتی جەنگی ویلایەتە یەکگرتووەکانی ئەمریکا ڕۆژی پێنجشەممە ٣ی ئایار ڕایگەیاند هێزەکانیان لە زەریای هینددا چوونەتە نێو کەشتییەکی هەڵگری نەوتی ئێران و دەستیان بەسەردا گرتووە.
پێنتاگۆن لە ڕاگەیەندراوێکدا گوتی کەشتییە دەستبەسەرکراوەکە ناوی “ئێم/تی مەجێستیک ئێکس”ە و لە لیستی سزاکانی ئەمریکایدایە. لە ڕاگەیەندراوەکەدا هاتووە ئاوە نێودەوڵەتییەکان وەک قەڵغان بەکار نایێن و وەزارەتی جەنگ بۆ تێکدانی تۆڕە نایاساییەکان و سنووردارکردنی لایەنە سزادراوەکان بەردەوام دەبێت. پێنتاگۆن ڤیدیۆ و وێنەی چوونە نێوەوەی هێزە سەربازییەکانی بۆ سەر ئەو نەوتهەڵگرە بڵاو کردەوە.
سوپای ویلایەتە یەکگرتووەکان دوای ئاگربەست لەگەڵ کۆماری ئیسلامی، بە فەرمانی دۆناڵد ترەمپ گەمارۆی دەریایی کەشتی و بەندەرەکانی ئێرانی داوە. لە بەرانبەردا، هێزەکانی سوپای پاسداران ڕۆژی چوارشەممە هێرشیان کردە سەر چەند کەشتییەکی بارهەڵگر لە گەرووی هورمزدا.
هەواڵی پێشوو