كەشتیی نەوت هەڵگری (ئێم تی یۆریكا)ـی میسڕی، لە بەندەری فوجەیرە لە ئیماراتی بەرەو بەندەرێکی یەمەن ڕۆیشتووە. لەناو دەریا لەلایەن چەتە دەریاییەكانی سۆماڵەوە دەست بەسەر كەشتییەكەگیراوە و كەشتیوان و كارمەندانی ناو كەشتییەكەش دەستبەسەر كراون.
چەتەكان بۆ ئازادكردنی بارمتەكان داوای 3 ملیۆن و 500 هەزار دۆلار دەكەن، ئەگەریش پارەكە نەدەن چەتەكان كەشتیوان و كارمەندەكان دەكوژن.
بنەماڵەی دەریاوانە رفێندراوەکان بانگەواز بۆ دەسەڵاتدارانی میسڕ و لایەنە پەیوەندیدارەکان دەکەن کە بە خێرایی دەستوەردان بکەن و هەماهەنگی لەگەڵ هێزە دەریاییە نێودەوڵەتییەکانی بكەن، بۆ فشارخستنە سەر خاوەن کەشتییەکە یان پەیوەندی لەگەڵ رفێنەرەکان بکەن بۆ ئازادكردن و گەڕانەوەی کوڕەکانیان.