حکوومەتی تورکیا ڕۆژی چوارشەممە ڕایگەیاند ئەڵمانیا لە مانگی حوزەیرانەوە بۆ ماوەی شەش مانگ سیستەمێکی بەرگریی موشەکیی پاتریۆت دەداتە ئەو وڵاتە بۆ ئەوەی جێگەی سیستەمە کۆنەکە بگرێتەوە.
سیستەمی بەرگریی پێشوو لە چوارچێوەی ڕێکارەکانی ناتۆ لە باشووری ڕۆژهەڵاتی تورکیا بۆ بەهێزکردنی بەرگریی ئاسمانی لە نێوەڕاستی شەڕی ئێراندا جێگیر کرابوو.
ئەنکەرە لە مانگی ئازاردا ڕایگەیاندبوو سیستەمێکی پاتریۆتی ئەمریکا لە باشووری ڕۆژهەڵاتی تورکیا و لە نزیک بنکەیەکی ڕاداریی ناتۆ، بەرانبەر هەڕەشە موشەکییەکانی ئێران جێگیر کراوە. بەرگرییەکانی ناتۆ لە کاتی شەڕەکەدا چوار موشەکی بالیستییان خستە خوارەوە کە لە ئێرانەوە تەقێنرابوون.
وەزارەتی بەرگریی تورکیا لە بەیاننامەیەکدا گوتی: “جگە لە سیستەمی بەرگریی ئاسمانیی پاتریۆتی ئیسپانیا کە ئێستا لە وڵاتەکەماندایە، یەکێک لەو دوو سیستەمە زیادەیەی ناتۆ بەهۆی ململانێکانی نێوان ئەمریکا، ئیسرائیل و ئێران جێگیری کردبوون، بە سیستەمێکی ئەڵمانی دەگۆڕدرێت.”
وەزارەتەکە ئاماژەی بەوەش دا ئەم پرۆسەیە لە مانگی حوزەیراندا تەواو دەبێت و چاوەڕوان دەکرێت سیستەمەکە بۆ ماوەی شەش مانگ چالاک بمێنێتەوە.
هەواڵی پێشوو