حکوومەتی ئەمریکا داوای لە کۆنگرێس کرد بودجەیەکی زیادە بە بڕی ٨٨ ملیار دۆلار تەرخان بکات. بەپێی زانیارییەکانی ماڵپەڕی کۆشکی سپی، بەشێکی زۆری ئەم پارەیە بۆ “پێداویستییە هەنووکەییەکان”ی پەیوەست بە شەڕی ئێران و بەرەنگاربوونەوەی نەخۆشیی ئیبۆلا لە ئەفریقا تەرخان دەکرێت.
لەو بڕە پارەیە، زیاتر لە ٦٧ ملیار دۆلاری بۆ کەرتی سەربازییە. هەروەها ٢١ ملیار دۆلاری بۆ پێنتاگۆن داوا کراوە تا وەزارەتی بەرگریی ئەمریکا بۆ جێگرتنەوەی تەقەمەنییە بەکارهاتووەکان، بەهێزکردنی پیشەسازیی سەربازی و پەرەپێدانی توانایە هەستیارەکان بەکاری بهێنێت.