دانیشتنی دادگەییکردنی هونەرمەند فەزل شاکر لەبەردەم دادگەیی سەربازی لە لوبنان دواخرا، دوای ئەوەی ناوبراو تووشی کێشەیەکی تەندروستی بوو کە پێویستی بە بانگهێشتکردنی پزیشک کرد لە ناو بەندیخانەکەدا.
دادگەی سەربازی لوبنان بڕیاریدا دانیشتنی دادگەییکردنی فەزل شاکر بۆ کاتژمێر 1ی پاش نیوەڕۆ دوابخات، ئەمەش دوای تێکچوونی لەناکاوی باری تەندروستی، کە رێگر بوو لە گواستنەوەی بۆ تەلاری دادگە لە کاتی دیاریکراودا.
دەزگە ئەمنییەکان نەیانتوانیوە شاکر ببەنە دانیشتنی دادگەییکردنەکە. بڕیار بوو لەم دانیشتنەدا گوێ لە گەواهیی 9 شایەتحاڵ لەو دۆسییەیەی لەبەردەم دادگەی سەربازیدایە بگیرێت.