ئەمڕۆ سێشەممە ٣٠ـی ٦ـی ٢٠٢٦، د. سالار عوسمان، بەرپرسی بەشی ڕۆشنبیری و ڕاگەیاندنی پ.د.ک، لە ئامەدی باکووری کوردستان سەردانی نووسەر، کۆمەڵناس و دۆستی دێرینی گەلی کورد ئیسماعیل بێشکچی کرد.
دیدارەکە بە مەبەستی هەواڵپرسی و دەربڕینی پێزانینی قووڵ بوو بۆ هەڵوێستە بەنرخە مێژووییەکانی ئەو زانا مەزنە.
ئیسماعیل بێشکچی، وەک ویژدانی زیندووی مرۆڤایەتی و قەڵەمێکی ئازا، تەواوی تەمەنی خۆی بۆ بەرگریکردن لە مافە ڕەواکانی گەلی کوردستان و دژایەتیکردنی سیاسەتی ئینکار و چەوساندنەوە تەرخان کردووە.
لە سەردانەکەشدا، هیوای تەندروستییەکی باش و تەمەندرێژی بۆ ئەو کەسایەتییە مەزنە خواست.