پێش رووبەڕووبوونەوەی هەڵبژاردەی کۆنگۆی دیموکراتی لە قۆناغی سی و دووی جامی جیهانی ٢٠٢٦، تۆماس توخێلی راهێنەری هەڵبژاردەی ئینگلتەرا سەبارەت بە شێوازی یاریکردنی رکابەرەکەیان رایگەیاند کە ئەوان رووبەڕووی تیپێک دەبنەوە کە خاوەن بەرگرییەکی چڕ و پابەندبوونێکی بەرزی تاکتیکین، ئەوەش ئەرکی ئەوانی قورس کردووە.
توخێل ئاماژەی بەوەدا کە هەڵبژاردەی کۆنگۆ لە یاری راستەوخۆ و ناردنی تۆپی درێژدا لێهاتوون و یارییەکە بۆ شەڕی راکردن دەبەن، بە شێوەیەک کە تەنانەت لە بەرامبەر پورتوگال و کۆڵۆمبیاش نیشانیاندا کە رێگە بە دروستکردنی دەرفەتی زۆر نادەن.
سەبارەت بە دۆخی پێکانەکانی هێڵی بەرگری، راهێنەرەکەی ئینگلتەرا روونیکردەوە کە رێس جەیمس و جارێل کوانسا رۆژ بە رۆژ لە گەڕانەوە نزیک دەبنەوە، بەڵام بەهۆی جۆری پێکانەکەوە کوانسا کەمێک لە پێش جەیمسەوەیە و هەردووکیان بۆ ئەم یارییە ئامادە نین.
لەگەڵ ئەوەشدا، توخێل دوپاتیکردەوە کە متمانەی تەواوی بە یاریزانەکانی هەیە و پێی وایە پێکان بەشێکە لە تۆپی پێ، بۆیە پێویست ناکات کات لەسەر خەمخواردن بۆ کێشەکان بەفیڕۆ بدەن، بەڵکو دەبێت هەموو هەوڵێک بدەن بۆ دۆزینەوەی چارەسەر و سەرکەوتن لە یارییەکەدا.