پسپۆڕانی بواری پزیشکی جەخت دەکەنەوە کە میزکردن به دانیشتن یارمەتی چۆڵکردنی باشتری میزڵدان دەدات و مەترسییەکانی سەر تەندروستی کەم دەکاتەوە. ئەگەرچی ئەم بابەتە ڕەهەندی کولتووریشی هەیە (بۆ نموونە لە فەڕەنسا تەنیا ٣٥%ی پیاوان بە دانیشتنەوە میز دەکەن، لە کاتێکدا لە ئەڵمانیا ئەم ڕێژەیە دەگاتە ٦٢%).
گرنگترین سوودە تەندروستی و ژینگەیییەکانی میزکردن بە دانیشتنەوە:
١. پاراستنی پاکوخاوێنی
توالێتەکان بە گشتی بۆ دۆخی دانیشتن دروستکراون. کاتێک پیاوان بە پێوە میز دەکەن، بەهۆی بەرزیی باڵاوە، دڵۆپەکانی میز بە چواردەوری کاسەی توالێتەکە، زەوی و تەنانەت جلوبەرگەکانیاندا دەپرژێت، کە ئەمەش سەرچاوەیەکە بۆ بڵاوبوونەوەی بەکتریا.
٢. حەوانەوەی ماسولکەکان و چۆڵبوونی تەواوی میزڵدان:
لە کاتی دانیشتندا، ماسولکەکانی حەوز و دەوروبەری میزڵدان زیاتر دەحەوێنەوە (Relax دەبن). بۆ میزکردنێکی تەندروست نابێت مرۆڤ زۆربکات (پەستان بهێنێت)، بەڵکو دەبێت جەستە خاو بکاتەوە. دانیشتن دەبێتە هۆی ئەوەی میزڵدان بە تەواوی خاڵی بێتەوە و میزی تێدا نەمێنێتەوە.
٣. کەمکردنەوەی هەوکردن و بەردی میزڵدان:
ماوەی میزی کۆنبوو لە ناو میزڵداندا، هۆکاری سەرەکۆیی دروستبوونی بەردی میزڵدان و هەوکردنی توندی کۆئەندامی میزە (UTI). دانیشتن ڕێگری لەم کێشەیە دەکات.
٤. گونجاو بۆ نەخۆشییەکانی پرۆستات:
میزکردن بە دانیشتنەوە زۆر بەسوودە بۆ ئەو پیاوانەی بەدەست کێشەکانی گەورەبوونی پرۆستاتەوە دەناڵێنن (کە نزیکەی ٦٠%ی پیاوانی سەروو ٦٠ ساڵ دەیگرێتەوە)، چونکە فشار لەسەر ڕێڕەوی میز کەم دەکاتەوە.
٥. کەمکردنەوەی مەترسی کەوتن:
دانیشتن لە کاتی توالێتدا، بەتایبەت لە شەواندا کە مرۆڤ هێشتا بە تەواوی بەئاگا نەهاتووەتەوە، مەترسی گێژخواردن و کەوتنەخوارەوە کەم دەکاتەوە.
