پاش سەرکەوتنە دراماتیکییەکەی بەرامبەر بەلجیکا و گەیشتنی بە قۆناغی پێش کۆتایی مۆندیالی 2026، هەڵبژاردەی ئیسپانیا زنجیرەیەک دەستکەوت و ڕیکۆردی مێژوویی نوێی تۆمارکرد. تیپەکەی لویس دی لا فۆینتێ بەم بردنەوەیە کۆی گۆڵەکانی لەم مۆندیالەدا گەیاندە 11 گۆڵ، ئەمەش دوای ئەوەی لە قۆناغەکانی پێشوودا سەرکەوتنی بەسەر پورتوگال، نەمسا، ئۆرۆگوای و سعوودیە بەدەستهێنا و لەگەڵ کیپ ڤێردی یەکسانبوو، بەمەش توانی ڕیکۆردی مێژوویی مۆندیالی 1986ی مەکسیک یەکسان بکاتەوە.
لە لایەکی دیکەوە ماتادۆرەکان ژمارەی یارییە بێ دۆڕانەکانیان گەیاندە 36 یاری لەسەریەک، کە درێژەپێدەری زنجیرە سەرکەوتنەکانیانە لە دوای ئازاری 2024. بەم دەستکەوتە ئیسپانیا ڕیکۆردی مێژوویی ئەرجەنتینی یەکسانکردەوە و تەنها یەک یاریی ماوە بۆ ئەوەی بگاتە ڕیکۆردە زێڕینەکەی ئیتاڵیا کە 37 یاریی لەسەریەک شکستی نەهێناوە.
هەڵبژاردەی ئیسپانیا لە یاریی داهاتوودا رووبەڕووی هەڵبژاردەی فەرەنسا دەبێتەوە، کە لە حاڵەتی سەرکەوتندا لەو یارییەدا، نەک تەنها دەگاتە یاریی کۆتایی جامی جیهانی، بەڵکو ژمارە پێوانەییەکەی ئیتاڵیاش دەشکێنێت و بە تەنیا دەبێتە خاوەنی ئەو ڕیکۆردە مێژووییە.