وەزارەتی گواستنەوە و گەیاندنی هەرێمی کوردستان ڕایگەیاند، دانوستانی چڕیان لەگەڵ کۆمپانیای “سپەیس ئێکس” ئەنجامداوە. ئەم هەوڵانە بە مەبەستی گەیشتن بە ڕێککەوتن و دابینکردنی خزمەتگوزاریی ئینتەرنێتی “ستارلینک”ە بۆ ناوچە جیاجیاکانی هەرێمی کوردستان.
سیستەمی ستارلینک، کە لەلایەن کۆمپانیای سپەیس ئێکسەوە پەرەی پێدراوە، لە ڕێگەی تۆڕێکی مانگە دەستکردەکانەوە لە بۆشایی ئاسمانەوە هێڵی ئینتەرنێتی خێرا و بێتەل دەگەیەنێتە وڵاتان و بەکارهێنەرانی لە سەرانسەری جیهاندا.