هێرشێکی ئاسمانیی ئیسرائیل ڕۆژی چوارشەممە بووە هۆی کوژرانی چوار کەس لە کەرتی غەززە، قوربانییەکان پێکهاتوون لە ژن و مێردێک و کچە تەمەن شەش ساڵەکەیان.
ئەم هێرشە لە کاتێکدایە گفتوگۆکانی تایبەت بە ڕێککەوتنی ئاگربەستی غەززە بە نێوەندگیریی ئەمریکا تووشی بەربەست بوون.
هێرشەکە کراوەتە سەر باڵەخانەیەکی نیشتەجێبوون لە دێرولبەلەح لە ناوەڕاستی غەززە. بەرپرسێکی سەربازیی ئیسرائیل بە تایمز ئۆف ئیسرائیلی گوتووە هێرشەکە ئەندامێکی حەماسی کردووەتە ئامانج؛ بەڵام سوپای ئیسرائیل تا ئێستا بە فەرمی لێدوانی لەو بارەیەوە نەداوە.
حەماس و ئیسرائیل بەردەوام یەکتر بە پێشێلکردنی ئاگربەست تۆمەتبار دەکەن.
