بەرەبەیانی ئەمڕۆ هەینی، هێزەکانی هاوپەیمانان هێرشێکی درۆنییان بۆ سەر ئاسمانی هەولێر پووچەڵکردەوە و توانییان هەشت فڕۆکەی بێفڕۆکەوانی بۆمبڕێژکراو تێکبشکێنن و بخەنە خوارەوە، بەبێ ئەوەی هیچ زیانێکی گیانیی لێ بکەوێتەوە.
بەپێی ڕاگەیەندراوێکی فەرمی دژەتیرۆری کوردستان کە لە پەڕەی فەرمی خۆی لە تۆڕی کۆمەڵایەتی فەیسبووک بڵاوکراوەتەوە، وردەکارییەکانی ئەم ڕووداوە بەم شێوەیەیە: بەرەبەیانی ئەمڕۆ هەینی (17ی تەممووزی 2026)، لە کاتژمێر 4:19 تا کاتژمێر 5:25ی بەیانی، هێزەکانی هاوپەیمانان بە شێوەیەکی سەرکەوتوو ڕووبەڕووی هێرشەکە بوونەتەوە و 8 درۆنی بۆمبڕێژکراویان پێش پێکانی ئامانجەکانیان لە ئاسمانی هەولێر تێکشکاندووە، خۆشبەختانە هێرشەکە هیچ زیانێکی گیانیی لێ نەکەوتووەتەوە.
ئەم هێرشە لە کاتێکدایە کە سیستمی بەرگریی ئاسمانیی هێزەکانی هاوپەیمانان لە ئامادەباشی بەردەوامدان بۆ بەرپەرچدانەوەی هەر مەترسییەک کە ئاسایش و سەقامگیریی هەرێمی کوردستان و شاری هەولێر بکاتە ئامانج.