لە دوا یاریی هەفتەی 36ی خولی ئینگلتەرا، یانەی کریستاڵ پاڵاس لە یاریگای خۆی میوانداری مانچستەر یونایتدی کرد.
لە ئەنجامدا کریستاڵ پاڵاس بە ئەنجامێکی گەورە و چاوەڕواننەکراو بە چوار گۆڵی بێبەرامبەر شکستی بە شەیتانە سوورەکان هێنا.
هەر لە تایمی یەکەمدا یاریزانانی پاڵاس گۆرزی خۆیان وەشاند و کاتێک لەو تایمەدا توانیان دوو گۆڵ لە ڕێگەی یاریزانان مایکڵ ئۆلیس و ماتێتا لە خولەکەکانی 12 و 40 تۆمارکرد و ئەو تایمەش بەو شێوەیە مایەوە.
لە تایمی دووەمدا مانچستەر هەوڵی دەدا بگەڕێتەوە کەشی یارییەکە، بەڵام لە خولەکی 58دا یاریزان میشێل یانەی میوانی بێ هیواکرد و گۆڵی سێیەمی تۆمارکرد، زۆری نەخەیاند ئۆلیس گەیشتەوە سەر گۆڵەکەی یونایتد و لە خولەکی 66 گۆڵی چوارەم و دڵنیایی تۆمارکرد.
بەم ئەنجامە، یانەی مانچستەر یونایتد خاوەن 54 خاڵە و لە پلەی هەشتەم دێت، کریستاڵ پاڵاسیش 43 خاڵی کۆکردۆتەوە و لە پلەی 14یەم دێت.