توێژەرانی زانکۆی کارلۆس سێیەم لە مەدرید و نەخۆشخانەی زانکۆیی سۆرۆ ئۆچۆا لە ئیسپانیا، سیستمێکی نوێیان لەسەر بنەمای ژیریی دەستکرد پەرە پێ داوە.
ئەم سیستمە لە ڕێگەی شیکارکردنی شەپۆلەکانی مێشک لە کاتی خەوتندا، گۆڕانکارییە سەرەتاییەکانی پێوەست بە زەهایمەر دەستنیشان دەکات. ئەنجامی توێژینەوەکە دەری دەخات شیکارکردنی شەپۆلەکانی مێشک بە بەکارهێنانی ئەلگۆریتمەکانی فێربوونی ئامێر، دەبێتە هۆی ناسینەوەی گۆڕانکارییە دەمارییەکان و دابەشکردنی نەخۆشەکان بۆ سێ کۆمەڵەی جیاواز.
زەهایمەر نەخۆشییەکی دەماریی بەرەوپێشچووە و نیشانەکانی ١٠ بۆ ٢٠ ساڵ دوای دەستپێکردنی گۆڕانکارییە پزیشکییەکانی نێو مێشک دەردەکەون.
توێژەران دەڵێن بەو پێیەی دەرمانەکان تەنها لە قۆناغە سەرەتاییەکاندا کاریگەرن، دەستنیشانکردنی پێشوەختە گرنگییەکی زۆری هەیە. ئەم تەکنەلۆژیایە لە داهاتوودا دەبێتە هۆی ئەوەی پشکنینی نەخۆشییەکە لە نێو ماڵاندا و بە تێچوویەکی کەم ئەنجام بدرێت.
