ئەمڕۆ سێشەممە، ٢٥ی ئابی ٢٠٢٦، لە شاری هەولێر و بە بەشدارییەکی بەرفراوانی جەماوەری، کەرنەڤاڵ و ڕێوڕەسمێکی شایستە بۆ یادی لەدایکبوونی پێشەوای مرۆڤایەتی، حەزرەتی محەمەد (دروودی خوای لەسەر بێت) بەڕێوەچوو.
لە کەرنەڤاڵەکەدا، دکتۆر پشتیوان سادق بە یاوەری هەریەک لە بەڕێزان چیا محەمەد هەرکی، ئایدن مەعروف وەزیری هەرێم بۆ کاروباری پێکهاتەکان، و ئومێد خۆشناو پارێزگاری هەولێر بەشدارییان کرد.
ئەم ڕێوڕەسمە جەماوەرییە کە بەبۆنەی یادی مەولودەوە ڕێکخرابوو، تێیدا ئامادەبووان و بەرپرسان خۆشحاڵی خۆیان بەم یادە پیرۆزە دەربڕی و جەختیان لە پەیامی ئاشتی، تەبایی و پێکەوەژیان کردەوە کە پەیامی سەرەکی پێشەوای مرۆڤایەتی بووە. هەولێر وەک هەمیشە لەم یادەدا بووە ناوەندی کۆکەرەوەی پێکهاتە و چین و توێژە جیاوازەکان بۆ بەرزڕاگرتنی بەها ئاینی و مرۆییەکان.
