نێچیرڤان بارزانی، سەرۆکی هەرێمی کوردستان، پەیامێکی سەرەخۆشی بۆ کۆچی دواییی نووسەر، ئەکادیمیست و سەرۆکی پێشووی ئەکادیمیای کوردی، خوالێخۆشبوو (د. عەبدولفەتاح عەلی بۆتانی) بڵاوکردەوە.
لە پەیامەکەیدا، سەرۆکی هەرێمی کوردستان هاوخەمیی قووڵی خۆی بۆ بنەماڵە و کەسوکاری کۆچکردوو، ئەکادیمیای کوردی و تەواوی نووسەران و ئەکادیمیستانی کوردستان دەربڕی.
نێچیرڤان بارزانی تیشکی خستە سەر ڕۆڵ و پێگەی زانستیی خوالێخۆشبوو و ڕایگەیاند: “د. عەبدولفەتاح بۆتانی تەمەنێک بە دڵسۆزی خزمەتی بە زانست، ڕۆشنبیری و فەرهەنگی کوردی کرد.”
لە کۆتایی پەیامەکەیدا، سەرۆکی هەرێمی کوردستان نزای خواست کە خوای مەزن گیانی کۆچکردوو بە بەزەیی و میهرەبانیی خۆی شاد بکات و ئارامی و دڵنەوایی بە هەمووان ببەخشێت.
خوالێخۆشبوو تەمەنێک بە دڵسۆزی خزمەتی بە زانست، ڕۆشنبیری و فەرهەنگی کوردی کرد. لە خوای مەزن داواکارم گیانی بە بەزەیی و میهرەبانیی خۆی شاد بکات و ئارامی و دڵنەوایی بە هەمووان ببەخشێت.
نێچیرڤان بارزانی
سەرۆکی هەرێمی کوردستان
2026/9/1